Vis kilden til Takkegudsteneste 1905

==Hr. sokneprest Kullerud!==

Dette diktet er ikkje spesielt godt, men det er av historisk interesse. Då unionen med Sverige var formelt oppløyst i november, vart alle prestane i landet oppmoda til å halda takkegudsteneste på halvårsdagen for 7. juni. Sokneprest Kullerud i Hemnes heldt ein inspirert tale som sikkert fall i smak, men mange var misnøgde med val av salmar. «Gud signe vårt dyre fedreland» sto nok ikkje i «Gamle Landstads», og i alle fall hadde det aldri vorte sunge ein nynorsksalme i Hemnes kyrkje før. Det skjedde altså 7. desember 1905, og vart sterkt kritisert . Bestefar blanda seg inn i striden med dette diktet, som sto i «Nordlands Avis» (då «Ranens Tidende») 21. desember same året. Underteikna –ng-.
<br>Olav Engen (Jr.)

----


'''Eg vil deg takka fyr di gilde preike<br>
'''den sjuande, på Norigs takkefest.<br>
'''Slik tale kan vel heimehugen kveikje,<br>
'''slik tale høver nett ein Norigs prest.

'''Du minnte um, kva me hev gjenom gjenge<br>
'''daa riksens skuta for i braat og brand.<br>
'''- Um me av ”villkaar” fekk ei atal flenge,<br>
'''me hev daa berga oss eit sjølvstyrt land.

'''Aa lyfta landet, du oss fagert mana<br>
'''og høgt aa agta vaare henders gjerd,<br>
'''og ikkje etter ”storkars” ferd aa glana,<br>
'''dei ”snyltedyri” hev so laakt eit verd.

'''For det me vann, so takkar me vaar herre, <br>
'''for det me tapte, takka me han og;<br>
'''det kunde visst og sant ha gjenge verre,<br>
'''me vilja tru, at han vaart beste saag.

'''Og vil me honom tena trutt og dyrka,<br>
'''så hev i homom me vaar borg og skjold, <br>
'''som meir enn kongars venskap kann oss styrkja<br>
'''og stend, um alle skansar sig i mold.

'''Saa fekk me høyra maalet i vaar kyrkja<br>
'''for fyrste, gjev det ei vart siste gong.<br>
'''For dette vil og heimehugen styrkja, <br>
'''naar me fær lova Gud paa norsk, i song.

'''Ja mangen takk daa, prest, for tala gjæve,<br>
'''og so til lyftings-arbeid, alle mann,<br>
'''med hand og helle lyt me vera hæve,<br>
'''- so signa, Gud, vaart dyre fedraland!